Kryeministri në detyrë, Albin Kurti ka marrë pjesë në tubimin elektoral në lagjen Mati 1 në Prishtinë duke shprehur mbështetjen për kandidatin e Lëvizjes Vetëvendosje, Hajrulla Çeku për kryetar të kryeqytetit në zgjedhjet e 12 tetorit.

Para qytetarëve të kësaj lagje, kryetari i LVV-së paraqiti arsyet pse Hajrulla Çeku duhet të jetë kryetari i ardhshëm.

Ai tha se Çeku e njeh Prishtinën mirë dhe se e ka studiuar.

“Hajra nuk e sheh qytetin nga dritarja e zyrës, ai ulet me qytetarët, i dëgjon dhe i përfshin ata në diskutim për çdo vendim. Ky është thelbi i tij: Punë, ndershmëri dhe përkushtim përditë.”, tha Kurti.

Kurti shtoi se Çeku nuk favorizon lagje dhe nuk bën pazare.

“Nëse e zgjedhim Hajrulla Çekun, fitojmë një kryetar të qytetarëve, fitojmë një Prishtinë të drejtë dhe të zhvilluar”, shtoi mes të tjerash Kurti./Arbresh.info/